早前確診武漢肺炎嘅英國首相 Boris Johnson，「死過翻生」後果然好重視身體健康，除咗身體力行踩單車返工，仲推出20億英鎊嘅單車出行政策。最近，英國政府就出手打擊垃圾食物，目標令國民食得更健康。
5招打擊垃圾食物
英國目前確診人數接近240萬，超過7萬人死亡，有研究就發現，體型肥胖人士感染病毒後，死亡風險較高。於是，英國當局就從垃圾食物入手，嘗試控制國民體重。新政策分為5大項:
- 4月開始，禁止高脂肪、高糖、高鹽等垃圾食品，擺放於大型商店收銀處或入口，以及禁止垃圾食品提供「買一送一」。
- 餐廳禁止免費添飲含糖飲料
- 垃圾食品廣告唔可以喺網站首頁、收銀處或網上結帳頁面出現
- 禁止電視於晚上9點前播出高脂、高糖、高鹽等垃圾食物廣告
- 大型餐廳要列明食品所含卡路里
以上措施仲要經過諮詢以及議員通過，先可以落實。而英國唔少病人組織、推廣健康嘅團體，已經大表支持。希望英國呢股風氣，未來可以傳至全球，令大家重視垃圾食物嘅問題。
----- 廣告 Ad -----
英國首相 Boris Johnson (右)
資料: Metro
永誠
講求綠色、環保、天然的健康生活。推廣新一代健康生活文化。