墨西哥東北部城市 Matamoros，日前發生一宗罕見意外。6歲男童 Francisco 喺婆婆屋企，飲咗枱面上嘅 Monster Energy 能量飲品，之後混身唔舒服陷入昏迷，入院後情況仍未好轉。6日後，母親忍痛拔喉，終告不治。
多年來，唔少專家都唔鼓勵兒童飲用提神能量飲品，因為呢啲飲品大部份加入大量糖份及咖啡因，對兒童有壞影響。英國 NHS 早已建議禁止兒童飲用能量飲品，而美國 FDA 亦要求生產商，在包裝上列出警告字句。美國民間組織統計，過去10年美國有34宗涉及能量飲品死亡個案，以及逾50宗高血壓入院病例。
香港食物安全中心指，世界各國都有懷疑飲用能量飲品，而出現心律失調、癲癇、腎衰竭及死亡的個案，不過個案難以證明與飲用能量飲品直接有關。而食安中心對市民4點建議:
- 兒童、孕婦及對咖啡因敏感人士，不要飲用能量飲品
- 就算身體健壯嘅成年人，都不應該將能量飲品與酒精飲品一齊飲用
- 不要過量飲用
- 能量飲品不宜用於止渴或在運動時補充身體水分
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。
