Fitz > 飲食 Diet > [應節食隻糉] 肥唔肥 視乎你點食

[應節食隻粽] 肥唔肥 視乎你點食 2過節流流,點都避唔開應節食品。其中,端午糉確唔少人嘅心頭好。佢鹹又得,甜又得,見到人哋食,又真係幾難忍到口。

首先,先講糉嘅營養成份,同佢帶嚟嘅問題:

一眼睇晒鹹肉糉嘅饀
一眼睇晒鹹肉糉嘅饀料

鹹肉糉
卡路里:600大卡
糯米 > 升糖指數高 (達90)、難以消化
豬肉 > 脂肪高,含高膽固醇
豆 (綠豆/紅豆) > 含鉀,腎病病人不宜
鹹蛋黃 > 含高膽固醇

唔講鹼水糉健唔健康,單睇呢堆砂糖,真係嚇暈唔少人。
唔講鹼水糉健唔健康,單睇呢堆砂糖,真係嚇暈唔少人。

鹼水糉
卡路里:300大卡
糯米 > GI較高、難以消化
鹼水 > 含硼沙,過量會影響消化系統

食鹹肉糉再加埋咁多砂糖,又何苦呢?
食鹹肉糉再加埋咁多砂糖,又何苦呢?

雖則糉會食肥人,不過做人嘅嘢,又無必要同自己作對,想食亦無必要完全禁絕。其實注意一下食嘅方法,端午糉都唔算得好邪惡。以下幾招可以減少糉嘅破壞力:

  1. 以糉取代正餐。一碗飯200大卡,一隻鹹肉糉等於三碗飯。咁你下午茶都唔會無端端隊三碗白飯啩。正餐時食隻糉,既可以止下口癮,又唔使進食過多卡路里。總之呢,唔好下晝口淡淡拆隻糉,夜晚瞓唔著又隊番隻啦。
  2. 唔好點砂糖。有人食鹹肉糉鍾意點砂糖,咁會進食更多熱量。其實唔點嘢,原汁原味咪仲好。真係要搵嘢點,就點少少豉油囉。
  3. 唔好煎 (竟然有人炸糉!!!)。一落鑊煎又會食多咗油,拎去叮或者蒸啦。
  4. 糉缺少食物纖維,所以以糉代正餐,都要食番啲蔬果。

最後記住:600大卡嘅熱量,就要用每公里7分鐘嘅pacing,跑足60分鐘先減得番。而食多咗嘅脂肪、糖份,並唔係話減就減!Quota有限,大家睇住食呀!

資料來源:hknutritainment計算Pro

更多:
Fitz.hk Facebook專頁
跑步一定要配香蕉吃? 誤會大了,「這樣吃」,才是補鉀的好選擇!
到底是要先運動,還是要先吃早餐呢?
Fitz Diet 飲食


文章為作者意見,不代表Fitz立場。