圖: Lewis Hamilton Facebook

啱啱贏得第6次F1總冠軍嘅英國車手咸美頓 Lewis Hamilton,係繼法拉利車神米高舒麥加之後,贏得最多全年冠軍嘅車手。呢一季,喺法拉利車隊多番失誤、紅牛車隊由戰車至車手大失水準之下,咸美頓無驚無險順利取得錦標。如果唔係「咸迷」,其實佢贏唔贏冠軍都無乜討論價值。不過,筆者就留意到咸美頓嘅飲食習慣,竟然成為西方傳媒焦點。

運動員食素,唔係咩驚為天人嘅事,香港都有唔少素食運動員,有啲山賽更特設素食補給餐單。咸美頓選擇食素,點解會成為傳媒追踪嘅新聞?

箇中原因,係做素食嘅F1車手一啲都唔容易。

咸美頓話最鍾意嘅飲料係由佢代言嘅運動飲品 (真係信不信由你) 圖: Lewis Hamilton

F1賽車運動量極大

表面上,賽車手只係坐喺戰車揸住軚盤,似乎唔太需要運動,但其實坐喺一部極速達到350公里嘅賽車,賽手往往要承受高達10G嘅大氣壓力,同穿梭機升空差唔多 (萬一撞車,對車手衝擊更可達到30G)。加上,賽事時車手需要維持超乎常人嘅專注度,所以體能絕對唔可以馬虎。

此外,每個練習賽、比賽日,車手都要維持一定體重 (今季車手體重連裝備不可超過80公斤),改變飲食習慣,會令維持體重有一定困難。

圖: Lewis Hamilton


據講,咸美頓於2018年開轉為「全素食者」(plant-base diet),戒絕肉類、蛋類甚至奶類,只吃植物。他表示很掛念漢堡包、pancake 等美食,但咸美頓表示素食之後,令他身體機能好了,而且能保護地球亦令他感覺更美好。

咸美頓超鍾意食漢堡包,佢話最初轉素食,係要由香港空運個素食漢堡去英國。最近佢就喺倫敦開咗間素食漢堡餐廳。 圖: Lewis Hamilton Facebook

可以奪得6次世界冠軍,唔食肉唔飲奶,又算得啲乜呢?

資料: Business InsiderSky NewsLewis Hamilton

其他文章:

文章為作者意見,不代表Fitz立場。

歡迎投稿: https://fitz.hk/contribute/

廣告
永誠
講求綠色、環保、天然的健康生活。推廣新一代健康生活文化。