九龍東路線,跑黎跑去,最常最受歡迎必定觀塘海濱<> 啟德郵輪碼頭。無非都係因為,燈位少,人流少,路闊平坦等原因。

其實呢個「新景點」位置,係一個翻新地方,原址為海濱道公園,位處牛頭角站、志明橋及觀塘海濱中間點。翻新後結集大量「和風」元素,包括:原木區、柔和玻璃燈牆、大草地、水泥牆、銅板牆、有蓋大空地 (可容納30-40人左右),絕對係日系打卡新勝地。

講返 DESCENTE 新出呢對全掌碳板跑鞋 Hyper Speed Pro,開箱後第一感覺係: 出街款波鞋 (外協成員no.1)、大舊、重身、襯色幾靚…

對,一對好嘅鞋,首先首先,個樣一定要夠吸引,正所謂「百行以型為先」,對鞋唔型,PB相影到出黎,都唔夠吸引。而呢對 Descente Hyper Speed Pro 已經中左第一點。

第二,中底物料及整體厚度數據。Decente 稱 Hyper Speed pro 採用全掌碳板設計,全對鞋由六層碳布熱壓成型,長度佔大底總長度約76%(係唔係即係代表腳掌越大,買呢對鞋越抵?) 講笑~整體中底最厚位置約有45mm厚度,係我著過嘅碳板鞋之中最厚嘅一對。

實測試過呢對 Decente Hyper Speed pro 大約10次,當中包括 Jogging、Interval、Tempo 練習:

其中感覺Tempo 練習中表現最好,Tempo 以4’30-4’45/km pacing 速度跑左35分鐘,在以一個相對中快的速度下,感受到Hyper Speed pro 嘅全掌碳板能夠幫助我的跑步效能,係每一步當中,能夠運用到碳纖維板的高回彈性作用,用整個 4’30/km pace tempo 能以較輕鬆的情況下完成。

在 Jogging 時的運動表現相對較弱,以5’45-6’00/km pace,有種拖腳的感覺。與其他鞋相比,有一種「跑得冇咁輕益」的感覺,有D似著緊 Asics Gel Kayano / Gel Nimbus 呢類高保護性鞋。

同時,在400m interval 時的運動表現亦相對欠奉,以1’20-30 / 400m 速度跑時,由於中底的~45mm厚度,衍生出反應較慢的問題,並不能夠做到高回彈性同時,高反應力的問題。

如果要我推介 DESCENTE Hyper Speed Pro 比邊一類跑手著,我會建議:

  1. 體重較高的跑手 (高穩定性、緩震在眾多碳板鞋中感覺比較好,相對 Nike 碳板鞋,筆者 182cm 68kg,著左4-5次,鞋底已經開始有變型、磨蝕情況)
  2. 比賽鞋、Tempo 鞋 (唔建議拎黎練其他嘅原因都寫左係上面)
  3. 腳型唔會太闊太厚肉的跑手 (鞋型設計比較 Slim)
  4.  「百行以型為先」跑手,Casual sport wear 擔當鞋款一流
首頁 > 裝備 Gear > 九龍東「和」風新景點.打造日系DESCENTE跑手