GEL-NIMBUS 一直係 ASICS 用緩震出色作為賣點嘅跑鞋系列,今次 GEL-NIMBUS 25 更被譽為「品牌至今為止為舒適嘅跑鞋」,特意係 2022 年㡳於世界各地派發白色版本畀 influencers 嚟開箱,去除產品原有定位,直接讓跑者感受同評測,同時引起各界跑友好奇心,估下新型號。

大眾以往對緩震類別跑鞋會有 2 個主要想法:比較笨重同埋外型普通,但隨住近年 maximal shoes 普及,其舒適感加上多種顏色搭配,好多人開始作為 Lifestyle 或旅跑著用。今次 GEL-NIMBUS 25 一改大家以往嘅印象,同時間推出多個配色,絕對有一款適合貪靚嘅跑友,最緊要係襯色。

GEL-NIMBUS 25 有以下值得留意:

  • 鞋身係極具彈性嘅針織物料,唔單止柔軟亦好透氣。彈性物料更一直伸延到後跟位置,配合拉環設計,方便穿著。鞋內腳踭部分有加厚棉,舒適同時加強穩定性。
  • 中底用咗 FF BLAST PLUS ECO 環保材料,使用超過 20% 可再生物料原料,配合現時追求環保嘅方向;後踭部位加入咗全新 Pure Gel,比起前一代更柔軟更輕,造就「ASICS 至今為止為舒適嘅跑鞋」
  • 鞋底係經常觸地部分用咗全新 AHAR 增加耐磨及耐用性,根據 ASICS 所講,對比以往耐用性增加左兩倍。由於近日天氣乾爽,未有機會係濕滑嘅地面測試,唔知 AHAR 係雨天情況下有幾跣。

筆者係渣打馬拉松之後收到鞋,雖然今次唔係跑全馬,但完成半馬後都想選用較舒適嘅鞋款做 recovery。著上第一個感覺就係:「好舒服」,隨即試走一課 30min recovery run, 透氣貼合嘅鞋面加上舒適、輕盈嘅腳感 (US9 重量 10.3oz,不足 300g),跑嘅時候可以減輕腳部負擔,亦唔會太焗腳。試穿跑了超過60公里,主要都係用作 easy 為主,亦試過90分鐘走 “5 分披”,每一課都可以感受到呢對鞋緩震能力非常出色。

總結

由於 GEL-NIMBUS 25 鞋款本身定位以舒適度作為賣點,對追求速度嘅跑者比較適合作輕鬆跑及回復跑之用,一般跑者或者身重嘅朋友應可當作長課鞋使用,甚至乎比賽著用,其優秀緩震能力讓用家能更加享受跑步。就我個人認為在半馬 / 全馬比賽後,雙腳疲勞尚未回復之時,呢對 GEL-NIMBUS 25 嘅柔軟、緩衝特性,正好為賽事後嘅恢復跑嘅好配搭。


文章為作者意見,不代表Fitz立場。