2020年9月新西蘭品牌 Allbirds 獲1億美元融資,成為疫情之下少見嘅大交易。其實 Allbirds 由2016年創立以來,總融資額已超過2億美金,著名投資者包括老虎基金及洛克菲勒,以及荷里活影星 Leonardo Dicaprio 都有份投資。

呢個標榜環保永續嘅運動品牌,商標來自美國舊金山,由紐西蘭足球運動員 Tim Brown 同另一位合夥人 Joey Zwillinger 共同創立,企業最新估值為17億美元。

Leonardo Dicaprio 做生招牌

新西蘭Allbirds 講求「環保」與「舒適」

Allbirds 打響名堂之作,係2016年推出嘅 Wool Runners。呢對鞋以新西蘭盛產嘅羊毛製成,被《時代周刊》稱為「世界上最舒服嘅鞋」。跑鞋採用嘅 merino wool,據講話唔使著襪亦好舒服,而且成對鞋放入洗衣機洗都得,比起其他運動鞋更柔軟、更輕、更有韌性,可禦寒但面料亦都非常透氣,夏天或冬天著都無問題。

此外,品牌亦承傳新西蘭嘅環保理念,生產跑鞋時講求環保及永續。2020年,佢哋宣布成為首個為產品貼上「碳足跡」標籤嘅時尚品牌,就好似食品包裝嘅營養標纖一樣,每對鞋都會標記所產生嘅「碳足跡」。

目前旗下鞋品平均嘅「碳足跡」為7.6kg CO2e (碳足跡單位),比一對普通休閒運動鞋約為12.5 kg CO2e 為低。而最新推出嘅跑鞋 Tree Dasher,碳排放量約9kg CO2e,比傳統跑鞋降低約30%。

此外,Allbirds 為咗要打入經常落雨嘅英國市場,特意研究防潑水專利技術 Puddle Guard。市場大部份防水產品採用無法分解嘅質材,但 Puddle Guard 可以做到既防水又能分解,最終喺英國獲得成功。

香港可以上到內地官網,寄唔寄到落嚟香港就唔知了。

資料: 數位時代Allbirds官網

首頁 > 裝備 Gear > 被喻為世上最舒服的鞋 新西蘭Allbirds疫情下異軍突起