[越野跑] 短途賽你會揀「腰包」定「背心」?

壞人Ryan 2017-09-22

字 Decrease font size. 字 Reset font size. 字 Increase font size.

9月份又到，又係山賽開始的日子，迎接新賽季，又係買新裝備既時候。係一系列長途賽來臨前，通常都有唔少短途賽先打頭陣，而短途賽唔同人對「腰包」定「背心」都有唔同既喜好。

我同我既最佳拍檔 Chris，最唔合拍既就係佢好鐘意「腰包」，我就比較鐘意「背心」~ 哈

「腰包流」

各大品牌腰包款式都各有特式

----- 廣告 Ad -----

喜歡腰包的跑友，大部分原因是都係因為較為輕便，攞野方便快捷。亦可以減輕雙肩既負擔，同時又可以令背部有更好既散熱。而係香港最為山友熟悉的「腰包流」高手. 一定係首推 John Ellis。跑開山既山友，大多數都知道 Naked running band +上裸半身，已經係 John 的標誌之一。有時我都諗唔明佢玩HK100 點可以將1.5L水樽+ 食物 + 一大堆指定裝備放得到晒入條 Belt 到，就算佢唔係一流既跑手，都一定係一個一流既「收納專家」~ 哈哈。

Naked band + 上裸半身，可謂「收納專家」John 的標誌圖: HK100

「背心流」

剛剛舉行的 Tailwind Trail Chase，就試用左 S-Lab Sense 2 Set. 圖: RUN-PIC

相比腰包，小弟個人來講比較鐘意背心，因為有較高的穩定性。因為小弟屬於「排骨型」(唉~個人問題) 有時用腰包會比較「浪」，特別水樽裝滿水時就會更「浪」，特別落山既時候腰包會拋得好勁，所以用「背心」包貼上身對我來講會比較穩定及舒適。而小弟在剛剛舉行的 Tailwind Trail Chase，試用左專為短途賽設計的 Salomon S-Lab Sense 2 Set。

Sense 2 Set 保留背部透氣網面設計外，容量亦比上一代大一倍。

儲物表現

新一代的 Sense 2 set 比上一代容量大了1倍，分別在於心口前方2袋較上一代更大，可存放更多補給品或電話。另外，背面亦新増了一個背袋，所以容量足足大了一倍，足以應付50Km以內的比賽。而且袋的總重量只有95g (真係可以話係紙皮咁薄，咁輕)，而佢用既彈力的網面物料，配合前方胸口雙聯彈力帶設計，可以分散負重壓力，令你跑起來貼身得來又舒適。

Sense 2 Set 背部有透氣網面設計，而前袋設計亦比上一代大. 可以攜帶更多用品。

----- 廣告 Ad -----

透氣散熱表現

速乾及彈力的網面物料，令長時間運動下仍然保持透氣乾爽及舒適。而在剛剛舉行的 Tailwind Trail Chase 當天天氣都十分悶熱，溫度高達35度，小弟跑完後感覺依然良好，背部散熱算是不俗 ~ (起碼當日咁熱都頂到，兼跑到隻金人仔番來都未爆，哈)。

酷熱天氣下都頂到隻金人仔番來，全靠 Sense 2 Set 明 hard sell~~哈

S粉或S袋用家 ~~~ 注意!!!!

放棍「神器」- Salomon Custom Quiver

特別介紹 ~ 放棍「神器」

新附加配件Custom Quiver，適用於S-Lab Sense 5 ，8 Set

2017年新款的 S-Lab Sense Set 系列，當中有一新附加配件，可以講係「神器」，就係~ Custom Quiver。此「神器」適用於 S-Lab Sense 5 ，8 Set. 此附加配件，可以完全解決放 Pole 既問題，可快速收放雙 Pole，極為方便。比起早一代要先行加像筋或硬收雙 Pole 於背袋，對 Pole 人來講簡直係恩物!!!!