----- 廣告 Ad -----
香港政府放風考慮強制踩單車要戴頭盔，雖然政策未落實，不過係時候睇下有咩頭盔適合你。韓國有公司推出一款輕便頭盔，以可摺疊攜帶為賣點，方便拎住四圍走。
呢款叫 Raba 嘅頭盔，採用摺紙原理，由一系列菱形同三角形組成，只要幾秒鐘就可以摺成一個3D頭盔。頭盔用 EPS 泡沫同 ABS 熱塑性塑料，以及防水織物製成，可吸收撞擊震蕩，保護頭部。但同時易於收藏，摺疊後會縮小到原來體積三分之一。
----- 廣告 Ad -----
Raba 主要結構係由鋼絲固定，在10秒內能將各部件緊固起，仲採用 BOA 系統，可調整適合自己尺寸。頭盔專為公路單車而設計，所以並唔適合戴去踩山地單車。
根據該公司數據，Raba 頭盔獲得多個設計大獎，暫時已通過各國安全標準認證，不過仲未知佢幾時上市，以及定價幾多。
資料: Nature Mobility
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。