實測 JBL Soundgear Sense | 掛耳式耳機有入耳式享受

筆者報咗名參加首爾馬拉松，長課動輒30K上落，時間超過150分鐘，音樂自然成為練習嘅好伙伴。筆者只會係 easy run 或者練長課先聽歌，平時練習就比較少。考慮到跑步使用嘅耳機，會考慮以下因素:

1. 佩戴要穩固

跑步期間或會遇上路段起伏之類，如果跑跑下跌咗就要停低執番，或會打亂節奏。

2. 能聽到街外聲音

30k 或以上多數會係吐公練習，有機會跑落單車徑，所以需要接收到外間聲音，以保障安全。

3. 不會影響戴眼鏡

作為眼鏡人士，戴上跑2-3小時，如果設計不舒適，除了影響練習，仲會令耳仔周圍受罪。

今次正好收到JBL安排嘅 Soundgear Sense，平時用開嘅 in ear 款式有時係 easy run 都會跑跑下鬆脫，考慮到長課要補級又要專心跟上配速，掛耳式設計正好解決輕易掉落嘅問題。呢款耳機係品牌第一款不入耳真無線耳機，仲獲得 Red Dot Award 2023 獎項。

據品牌提供 Soundgear Sense 耳機採用 16.2mm 大口徑嘅動圈單元，配搭 OpenSound 技術，提供自然嘅聲音體驗，幾乎唔會漏音。聲壓會透過聲波傳向耳仔，同時降低聲音散播；即係你享受自己嘅 playlist 時，唔會影響到旁人。筆者多次返工途中係地鐵上依然可以清楚聽到音樂，因為大部分 Open Ear 係地鐵行車途中都會受風聲影響，好難聽到音樂。另外 Soundgear Sense 係差滿電後，無線方式使用可以長達 6 小時，如果用 USB-C 充電，快速差 15 分鐘已經可以用多 4 小時；絕對適合大家長課使用。

文章開頭有提過，筆者係戴眼鏡人士，戴起上嚟都舒服，耳掛冇壓著耳背嘅感覺。筆者試過戴著跑步，完全冇因為戴眼鏡出現鬆脫或者滑落嘅問題；跟機其實有送一個頸環，可以將耳機掛上去，就可以有更好固定感。

係 My JBL Headphones app 可以 set equalizer 同自訂觸控功能

總結

JBL Soundgear Sense 係一款好啱跑步用嘅耳機，輕身、唔易揈甩、IP54 防塵防濺等級 (適合運動時使用，使用後可以直接清洗機身)；當一個人長課嘅時候，聆聽自己喜愛嘅音樂可以分散注意力，放鬆心情，減低沉悶長課嘅負面感覺，或可令自己找到長課嘅一點甜。

P.S. 有一個情況筆者冇試過，就係通話，耳機內置 4 個咪，理論上係街都可以清晰通話，唔會好似潛左水咁。

price.com 價格: HK$949.00 至 HK$1,199.00