2020年9月新西蘭品牌 Allbirds 獲1億美元融資，成為疫情之下少見嘅大交易。其實 Allbirds 由2016年創立以來，總融資額已超過2億美金，著名投資者包括老虎基金及洛克菲勒，以及荷里活影星 Leonardo Dicaprio 都有份投資。

呢個標榜環保永續嘅運動品牌，商標來自美國舊金山，由紐西蘭足球運動員 Tim Brown 同另一位合夥人 Joey Zwillinger 共同創立，企業最新估值為17億美元。

新西蘭Allbirds 講求「環保」與「舒適」

Allbirds 打響名堂之作，係2016年推出嘅 Wool Runners。呢對鞋以新西蘭盛產嘅羊毛製成，被《時代周刊》稱為「世界上最舒服嘅鞋」。跑鞋採用嘅 merino wool，據講話唔使著襪亦好舒服，而且成對鞋放入洗衣機洗都得，比起其他運動鞋更柔軟、更輕、更有韌性，可禦寒但面料亦都非常透氣，夏天或冬天著都無問題。

此外，品牌亦承傳新西蘭嘅環保理念，生產跑鞋時講求環保及永續。2020年，佢哋宣布成為首個為產品貼上「碳足跡」標籤嘅時尚品牌，就好似食品包裝嘅營養標纖一樣，每對鞋都會標記所產生嘅「碳足跡」。

目前旗下鞋品平均嘅「碳足跡」為7.6kg CO2e (碳足跡單位)，比一對普通休閒運動鞋約為12.5 kg CO2e 為低。而最新推出嘅跑鞋 Tree Dasher，碳排放量約9kg CO2e，比傳統跑鞋降低約30%。

此外，Allbirds 為咗要打入經常落雨嘅英國市場，特意研究防潑水專利技術 Puddle Guard。市場大部份防水產品採用無法分解嘅質材，但 Puddle Guard 可以做到既防水又能分解，最終喺英國獲得成功。

資料: 數位時代、Allbirds官網