Fitz > 裝備 Gear > Heineken 「喜力」推出運動鞋，鞋底有乾坤注滿真啤酒

啤酒品牌「喜力」 Heineken 日前於 Twitter 發佈最新宣傳片，就係上面呢對叫 “Heinekicks” 嘅運動鞋。運動鞋搵咗著名設計師 Dominic Ciambrone 合作，以啤酒品牌嘅綠、白、紅三色為主調，而最大特點就係喺鞋底注滿佢哋新推出嘅 Heineken Silver 啤酒。

官方介紹話，運動鞋設計係希望令人有「踩著啤酒走路」嘅感覺，而製造呢對鞋最困難嘅地方，就係喺鞋底注入真正啤酒。不過，呢啲啤酒雖然係貨真價實嘅 Heineken Silver，但用家係唔可以拎出嚟飲嘅，所以每對鞋嘅鞋舌都配有開瓶器，方便大家邊行邊開啤酒飲。

據報道，Heinekicks 只係生產32對，其中7對會首次於新加坡公開發售，暫時未有定價。