做運動都係為咗改變自己，身型固然容易改變，生活習慣又是另一回事。
桂神講波時候，會形容某些球員犯咗「腦筋上嘅錯誤」，每一個人在人生當中，也有犯上腦筋上錯誤嘅時候。網站business insider最近有篇叫《10 changes to make in your 30s that will set you up for lifelong success》嘅文章，綜合咗問答網站Quora上面有關嘅討論，或者足以在腦筋上點醒你。
無論你係咪三十而立，以下10點，都有可能扭轉你一生：
- 戒煙：40歲前戒煙，有九成機會比40歲後繼續食煙嘅人長命。咁仲食煙為乜？
- 作息定時：定時休息起床，先至可以維持良好嘅精神狀態。
- Get Moving：人到30，肌肉會鬆弛，體力會變差。持續運動會令身體保持狀態。當然，對我哋嚟運動仲會令人開心，係未？
- 寫日記：專家話每日記低你生活發生嘅事，你嘅生活感想等等，係有助紓緩精神壓力。嗱，講緊嘅係寫日記，即係只係畀自己睇嗰啲呀。Facebook嗰啲用嚟呃like咋，唔算係日記
- 儲錢：專家話30歲人係儲錢嘅黃金時候（既未成家，又無乜健康問題），有錢之後，你未來嘅生活方式有更多選擇。用我哋嘅說話講，即係打風流工。
- 實現夢想：有咩夢想，30過後係時候去實現，唔係仲等幾時？
- 令自己快樂：學習點令自己開心，亦係人生入面一項重要工作。做人唔開心，同做條鹹魚有咩分別？
- 不要嘗試滿足任何人：好好對待自己，別人的喜惡很多時與你沒有直接關係。
- 不要與人比較：諗人哋，不如做好自己。
- 原諒自己犯錯：聖人都有錯，錯有咩好怕？講完！
資料來源：Business Insider, Quora
更多：
[不再眼光光] 10招提升睡眠質素
瘦身血淚史 — 聽身體的呼喚
Fitz Life 生活
張伯倫
自細肥仔一名，後來因發現患有脂肪肝，決心多做運動注重健康，曾參加並完成毅行者，關注所有健康資訊。