呢條魚口入面唔係牙齒,而係塑膠粒。

新加坡註冊嘅貨櫃輪「MV X-Press 珍珠號」於5月中焚燒,至6月初完全救熄。不過,貨輪嚴重損毁,部分船體沉入海底,貨櫃流出嘅化學原料,包括製造 PVC 塑膠嘅原料聚乙烯傾瀉而出,海岸被塑膠粒覆蓋,唔少海魚嘅嘴巴、鰓都塞滿呢啲膠粒。

貨輪有部份船體沉入海底

現時呢類塑膠粒已佈滿斯里蘭卡海岸,估計幾個月後會隨海流飄至印度、馬爾代夫等地,有人估計膠粒最終嘅落腳地,會係澳洲嘅聖誕島同科克斯群島。

6月18日,英國政府已發聲明,會派遣海洋專家到斯里蘭卡,協助流理海洋污染,希望污染不致造成大規模生態災難。

至於貨輪嘅俄羅斯籍船長,已被斯里蘭卡當局拘留,協助調查呢次焚燒貨輪事件。而斯里蘭卡亦要求新加坡船主,賠償4000萬美元損失。

資料: 台灣聯合報


文章為作者意見,不代表Fitz立場。
歡迎投稿: http://fitz.hk/contribute/
首頁 > 生活 Life > 化學貨櫃輪焚燒後沉沒,膠珠污染斯里蘭卡海岸或蔓延至澳洲