Fitz > 生活 Life > [唔好做殺手] 摸蜆破壞海洋生態

[唔好做殺手] 摸蜆破壞海洋 3踏入初夏,各大媒體開始介紹水上活動,而我每次睇到呢一種活動嘅介紹,都會即時反胃,佢就係「摸蜆」。

我反胃,因為成件事絕對係「有破壞無建設」,但啲媒體包裝成個認識生態活動,懶係有教育意義。之但係,對一般香港人嚟講 (唔計嗰啲一次摸十幾廿斤拎去街市賣嘅人),摸蜆純綷為咗玩,啲蜆拎到返屋企大家係咪真係煮嚟食先?香港近岸啲水質咁差,我就無勇氣食落肚。

摸蜆有幾唔啱?

  1. 一隻蜆每日可以過濾200公升海水。摸晒海邊嘅蜆,絕對會令水質變差。水質差嘅話,又會令其他海洋生物減少。
  2. 蜆係唔少較大型生物,如魚、鳥類、蟹等,主要食物來源。無晒蜆,其他生物亦會唔夠嘢食而減少。
  3. 太多人踐踏泥灘,會踩死埋海星、蟹等生物
  4. 摸蜆製造海洋垃圾,污染海洋

[唔好做殺手] 摸蜆破壞海洋 1

有網上群組就發起在海邊派發單張,呼籲大家唔好挖BB蜆。
有網上群組就發起在海邊派發單張,呼籲大家唔好挖BB蜆。

而最令我反胃,就係摸蜆嘅人,本住「有殺錯無放過」嘅心態,將BB蜆、海星、蟹仔等其他生物一併拎走。其實呢啲生物一離開海洋就會死,又無肉食,真係只為玩樂而殺生,認真作孳!

PS. 據講台灣,以及大多數西方國家,市民去海邊摸蜆都屬違法。當地政府只有發牌畀漁民作有限度挖蜆。

部份資料來源:烏溪沙路Facebook專頁

更多:
Fitz.hk Facebook專頁
蚊滋仔下晝3點前最危險
[唔行無得食] 8大隱世豆腐花
Fitz 生活 Life


文章為作者意見,不代表Fitz立場。