各位撫心自問: 大家每日朝九晚六,當中有幾多時間係「扮工」? 幾多係真正「辦工」呢? 西方社會近年不時有研究話,長工時反而降低工作效率,呢次佢哋仲搵埋冰島公務員幫手研究。

冰島地方議會嘅員工有2000人,佔冰島工作人口 1%。

冰島首都雷克雅維克 (Reykjavík) 地方議會以及國家公務員,2015年開始進行「每周工作四天」嘅試驗,每周工作由40個鐘減至35至36小時,工資維持不變。多年以來,當局覺得計劃「大獲成功」,員工嘅工作成效不跌反升。地方議會有2000員工,佔全冰島嘅工作人口 1%。

負責監察呢個試驗嘅英國智庫 Autonomy 以及 the Association for Sustainable Democracy (Alda) 發現,員工除咗工作效率大為提升,佢哋嘅身體及心理,亦得到充分休息,生活質素提升。此外,大家返工少咗,亦有助降低碳足跡,符合環保原則。

冰島首都雷克雅維克 (Reykjavík) 地方議會

智庫負責人表示,隨著疫症大流行,封關封城隨處可見,呢個係良好時機去縮短工作時數。最近西班牙政府同新西蘭一間私人機構,已著手推行有關政策,減少員工返工時數。

不過對香港嘅打工仔女嚟講,留喺屋企唔返office,係咪意味住工作時數少咗呢? 腦細嘅「奪命追魂WhatsApp」又點計先?

資料: BBC


文章為作者意見,不代表Fitz立場。
歡迎投稿: http://fitz.hk/contribute/
首頁 > 生活 Life > 四天工作周效率大提升! 冰島公務員工時短咗做嘢快咗