我嘅工作是一名樹藝職人，係香港叫做 “樹藝師”，係西方國家叫 “Arborist”。大部份香港人認為從事樹藝師並唔係一份高尚及高薪既職業，比起”執業”既律師會計師工程師，樹藝師係香港日日都要日曬雨淋，風吹雨打，要”執葉”，仲要供唔起樓。所以我下左好大既決心離開香港，去一個羊比人多既國家進行樹藝工作: New Zealand 紐西蘭。
點解要喺紐西蘭成為 Arborist (樹藝師)?
原因有幾個:
----- 廣告 Ad -----
天氣
NZ 夏天日間平均只得22至24度，很乾爽，空氣好甜 (*希望無人罵我)，好天個陣，天空真係好藍，先明白咩叫高清藍天。就算係 NZ 做樹藝工作雖要日曬雨淋風吹雨打，搞到一身汗，都可以好快乾身。
風景
因為我嘅樹藝工作係保養某個城市的市政府樹木，所以經常駕車周圍去，所以我根本係進行 “深度遊”，去過旅遊人士唔會去既景點，睇過吾少壯麗既風景，影過唔少好相 post 上去 FB 同 IG 去呃like。
攀樹比賽
紐西蘭樹藝工作者很多時都需要攀樹工作，攀樹在國內已經成為一種競技比賽運動。紐西蘭每一年舉辦5場攀樹錦標賽 (4場地區賽及1場國家錦標賽)，在國家錦標賽，男女首名便有資格代表國家參加世界攀樹錦標賽。紐西蘭已經出產5名世界錦標賽冠軍，兩男三女，當地攀樹運動員世界出眾，值得我學習。
本人在紐西蘭 進行比賽的相片!
----- 廣告 Ad -----
人工
NZ 政府將 Arborist 視為中級技術職業 (5個級別屬於第3等級)，所以 Arborist 移民 NZ 係一件容易既事，NZ 政府有規定本地公司聘請海外人士做技術職業，要達到規定既薪金水平，移民局才會批工作簽證給海外人士。我係申請工作簽證做技術工作，我既薪金水平係 NZ 唔洗住劏房 (*NZ 無劏房問題)，又養得起一部車仔，食得飽穿得暖，可以經常自駕遊睇優美既風景。如果我係香港，想自己一個住都好困難，養車更加無可能。香港人最鍾意用 “性價比” 呢三隻字做產品比較，以我收入係 NZ 生活，同香港比較，NZ 當然優勝好多。
以上內容比較簡單，我有好多題目可以講得好深入，例如當地進修樹藝學，如何申請工作簽證等等，雖然唔會係度分享，因題目無關，但可以係我專頁睇得更多。
Fitz連結: https://fitz.hk/?p=109984
Fitz Facebook專頁
香港運動比賽時間表
