花蓮海邊發現嘅手帶  圖: 海印 Ocean Stamps Facebook

香港政府於2020年3月發出「居安抗疫手帶」,畀需要隔離檢疫嘅市民使用,以免佢哋喺家居隔離期間四圍走。不過,手帶雖屬「不祥之物」,戴完都唔使立亂棄置啩。

日前喺台灣花蓮,有人就喺七星潭海邊發現一條「居安抗疫手帶」,佢哋搵海洋廢棄物專家鑑證,話手帶係經洋流漂流,由香港去到花蓮,粗略估計至少1000公里,當中重要嘅證據,就係依附喺手帶上面嘅海洋生物。

構想圖。洋流多變,實際漂流情況難以想像。

任何物件喺海上漂浮,都有機會生出唔同海洋生物。專家會根據生物嘅生長情況,評定物件於海上漂流時間。而呢條喺花蓮發現嘅手帶,估計已經喺海上漂流三個幾禮拜。

花蓮七星潭

香港垃圾灣隨處可見

花蓮嘅手帶,令人諗起香港嘅垃圾灣。

香港海岸線極長,唔少海灣都充斥住海洋垃圾。不時有個講法,話香港海洋垃圾都係由內地漂來,最常見就係大陸品牌嘅礦泉水樽,或者簡體字包裝嘅生活廢物。

塔門嘅海岸遍佈大量垃圾

不過花蓮嘅手帶提醒大家,郊野公園嘅垃圾唔一定外地人所為,海面嘅垃圾亦唔會全部係由大陸漂來。製造污染嘅負任,你同我都係無可推卸。

資料及鳴謝: 海印 Ocean Stamps


文章為作者意見,不代表Fitz立場。
歡迎投稿: http://fitz.hk/contribute/
永誠
講求綠色、環保、天然的健康生活。推廣新一代健康生活文化。