Fitz > 生活 Life > 山系零售店故事 | Action Panda 正能量爆燈

喜歡添置越野跑和路跑裝備的朋友,相信都認識位於觀塘的熊貓仔 Action Panda 運動用品專門店今次 Above The Clouds Sport 找了熊貓仔的主腦 Adrian,傾吓熊貓仔的理念、價值觀以及未來大計。

問: Action Panda 代表甚麼?

Adrian: 先由名字說起,Action Panda名字,要分開兩個字去理解,Action 是提點我哋萬事起頭難,所以要 Take Action,即係「起行」嘅意思;Panda呢? 就係我哋嘅吉祥物,代表溫馴可愛、平易近人!

熊貓仔於2015年成立,是一間香港運動用品公司,主要提供性價比高嘅戶外用品,包括越野跑、路跑及露營用品等給好動的客人選購,而當中絕大部份嘅用品都係我自己用過而且喜歡先至會入貨。

問: 甚麼推動你和拍檔們開展 Action Panda的業務呢?

Adrian: 2013年從香港運動代表隊退役,2014年,我參加咗一個戈壁沙漠挑戰賽,為期三日 Stage Race 需要自己攜帶食物以及晚間保暖用品,籌備及訓練途中,發現香港只有很少相關產品,即使有也十分昂貴,所以從戈壁比賽回到香港後,就立即籌備公司,希望提供更多相關運動裝備。

問: Action Panda 跟其他同類的店有甚麼與別不同之處呢?

Adrian: 我非常欣賞我們熊貓仔的文化,同事們都非常正面而且熱愛運動,包括路跑、越野跑、行山、露營等…..更加有不同嘅教練,例如健身、跑步、游泳、瑜伽、站立板等等,唯獨是熱愛運動嘅人,才可以用我哋嘅正能量影響身邊嘅人。

問: Action Panda有甚麼使命想實現呢?

Adrian: 我希望未來嘅日子 Action Panda 會成為香港更多人認識嘅運動品牌,以及成為一間有影響力嘅公司,令人諗起熊貓仔,就會諗起「有型」、「有質素」嘅運動和戶外運動用品。

問: 店舖選址為何在觀塘呢?

Adrian: 觀塘係一個卧虎藏龍嘅地方,好多唔同類型嘅行業,可以講係百花齊放。由地鐵站計起嘅10分鐘生活圈,衣食住行樣樣齊,甚至乎你想像唔到嘅有趣行業都可以喺度搵到。午飯和放工時間更加係超級黃金時間,周末時間更有好多一家大細嘅人會專程過嚟觀塘行工廠大廈尋寶。

問: Action Panda和你於2022及2023有甚麼目標? 店舖翻新後有甚麼新project呢?

Adrian: Action Panda 是一間非常重視與客人關係嘅公司,希望客人可以笑着入嚟消費,笑着返屋企開箱, 而我哋最近裝修嘅最關鍵原因都係希望客人可以行得舒服、試得舒服及買得舒服。裝修後重要的 project 是新設計嘅「主題牆」,我哋希望可以每個月更換主題,跟各大代理商或跑會合作,推廣不同類型最新產品、最新技術、最新比賽及最新話題。

問: 你在 Action Panda的角色是甚麼?

Adrian: 我會用一條龍舟去形容 Action Panda,每位同事包括前線後勤都係當中嘅龍舟健兒,坐龍頭打鼓嘅當然係經理,控制前進嘅快慢,激勵士氣; 而我則是在船尾嘅舵手,企最高、望最遠、遇到風暴時可以及時帶領大家去安全地方。唯有係呢條龍舟一環緊扣一環,先可以發揮到團隊精神。

問: 你在熊貓仔最享受甚麼?

Adrian: 我有一班好同事,已經好享受,大家方向一致,敢於接受挑戰。

問: 可否介紹一下你最喜歡的山徑、訓練地點及relax的地方?

Adrian: 我會首選麥理浩徑這條世界知名嘅路線。疫情之前,很多比賽都喺呢條路舉行,最多人認識便是毅行者,接近100公里嘅距離,無論練習和比賽,我都留左好多腳印,其中一段更是我通勤跑路線。

問: 可否講吓你身處大自然當中做運動的感受呢?

Adrian: 兩個字: 舒服! 因為可以一邊跑山、一邊欣賞大自然嘅風景,有時候會坐在香港最高嘅位置,飽覽港九新界嘅景色,令人不得不敬畏大自然的力量以及香港人嘅努力