對疫症威脅,就好似呢隻郵輪入境一樣,威脅睇唔到但可以感受到。

口罩唔夠,大家都減少出街。喺缺乏戶外活動嘅情況下,生活習慣更加要好好改善,先可以提升免疫力,打抵疫症。

呢三個良好生活習慣,大家要確切執行!

飲水

長久以來,每日飲幾多水都係爭議不斷。以前唔少人提倡「每日至少飲8杯水」,近年又有人提倡每日飲水量係「體重 (公斤數) x 30毫升」,即係正常大約2公升。

用份量去衡量每人飲水嘅需要,聽落已經好有問題。極端啲講,每日飲水8杯,朝早一次過飲晒係咪唔使再飲? 而且食物當中嘅水份,又點去計算? 飲茶飲咖啡又計唔計?


近年較為務實嘅講法,就係要建立一個飲水嘅習慣。例如起身之後飲杯水,食飯前食飯後又飲一杯,瞓覺之前又飲一杯。總之唔好等到你口渴先嚟飲,而係記得就飲。

身體具備充足水份,可維持體內新陳代謝,以及將體內廢物排走,有助建立免疫系統。

睡眠

面對疫症威脅嘅時候,要保持良好嘅睡眠習慣,唔好夜瞓。專家話最好於夜晚11點前上床,以令身體進入完整嘅睡眠周期,令精神得以回復最佳狀態。

睡眠除了可以足充體力外,亦能放鬆心情。心情輕鬆對抵抗疫症有莫大功效。

洗手

口罩全球缺貨之下,不少專家亦表示武漢肺炎其一中個主要傳播途徑,是接觸過帶有病毒的物件,所以日常生活上,清潔雙手比起戴口罩更加重要。

日本NHK電視台找來大學教授,傳授清潔雙手三招:

  • 以番梘或梘液洗手,要擦至手腕,並且擦至起泡 (香港衛生署呼籲要擦足20秒)
  • 清洗完畢後,不要用手直接接觸水龍頭關水喉,可用乾淨紙巾接觸水掣 (如下圖)
  • 若以酒精清洗雙手,就要用充足酒精。如果是大樽裝消毒酒精,就要將按掣「一按到底」,並且在揮發前將酒精塗抹雙手及手腕。

後話

這兩天網上看到不少人為爭奪口罩而「2盒」前、「2盒」後,精神緊張得要命,希望大家注意健康,遠離壓力。上述這個生活習慣雖然耳熟能詳,但希望大家好好實行。


文章為作者意見,不代表Fitz立場。

歡迎投稿: https://fitz.hk/contribute/

廣告
朱溫
生於亂世,有種責任。這個責任就是做好自己,感染別人。鍛練好身體,才能裝備自己,迎接亂世。