夏天行山跑步以至日常行街,點都要想辦法避開烈陽。時下唔少人都用「芭蕉扇」(手提電風扇) 降溫,不過實際作用有限。還原基本步,咪怕老套,擔把遮絕對係夏日戶外活動上上之選。

台灣有雨傘生產商曾經公布,指旗下一款「降溫傘」喺攝氏25度、濕度65%嘅室內環境下,以500W燈照射15分鐘,有遮檔比無遮檔位置嘅溫差達8度。台灣媒體於戶外測試雨傘降溫效能,發現38度高溫之下,擔遮後可將周遭溫度降低2度。

此外,一般雨傘直徑比起太陽帽有更廣闊遮蓋範圍,令身體免受太陽直射。

抗UV降溫傘攻略

1. 抗UV

紫外線係「不可見光」,如果雨傘可以遮檔紫外線,亦可以阻檔太陽光造成嘅高溫。選購雨傘時,可用手機電筒功能,將光源照射雨傘布料,遮蔽愈多光線代表愈能抗UV,適合戶外活動之用。

2. 黑布膠面

黑色布面透光率最低,如表面有加上遮陽膠層,效果更佳。

3. 銀底 / 黑底

銀底有助減低太陽造成高溫,不過如果雨傘嘅銀底向地下,於太陽猛烈時使用,有可能會將地面光線反射至身體,令臉部曬黑。黑底降溫能力未必及銀底,但唔會將陽光反射到身體。

4. 擔遮越低越好

把遮拎得太高,會降低遮檔能力,盡量將把遮放到較低位置,遮敝度會較高。

最後,亦要留意雨傘嘅重量,如果太重嘅話,影響進行戶外活動嘅負重,就要注意一下了。

資料: 台灣蘋果日報


文章為作者意見,不代表Fitz立場。
歡迎投稿: http://fitz.hk/contribute/
首頁 > 生活 Life > 抗UV降溫傘攻略: 戶外擔遮可降溫8度