Fitz > 生活 Life > 政府推行「星期五便服日」鼓勵公務員多做運動
有別於過去便服日係每年一度嘅慈善活動,呢個便服日係每星期一次,意義好唔同。

政府宣布,由8月5日開始推行「星期五便服日」,公務員可以逢星期五著運動服或便服返工,以鼓勵大家喺公餘時間多參與康體活動。政府僱員除非有重要場合或特別需要,每逢星期五都可以選擇著便服。

「星期五便服日」源自美國職場文化。上世紀40年代,有夏威夷商業銀行,因為當地天氣太炎熱,就容許職員每個星期五都唔使打呔著西裝。班職員就順理成章穿上夏威夷恤返工,更發展成為「Aloha Friday」文化,星期五都開開心心迎接周末狂歡。有人甚至寫歌去歌頌呢一日:

踏入千鿋年,美國IT企業管理文化影響全球,而「IT人」講求舒適嘅返工衣著流行於職場。牛仔褲、T恤、運動服亦唔係返工禁服。

如今香港政府搞每星期「便服日」,雖然遲咗啲,但都不失係德政,希望其他商業機構都要跟隨啦。

蘋果創辦人Steve Job的牛仔褲T恤打破美國的職場衣著文化。

資料: 政府新聞公告TVBS


文章為作者意見,不代表Fitz立場。
歡迎投稿: http://fitz.hk/contribute/