全球醫護都全心全力救治患者
武漢肺炎確診數字創新高，香港經歷第二波爆發，政府再次關閉設施及服務，而醫務人員亦發起 “I Stay at Work for You, You Stay Home for Us” (為了你，我堅守在崗位; 為了大家，你堅守在家中)，呼籲大家留守家中。
仲心思思要出街? 咁就睇睇患上呢種「中國病毒」有咩後遺症，睇下可唔可以對你有阻嚇性。
右邊是武漢肺炎患者的X光片，因病毒製造太多分泌，令肺炎呈灰白一片
----- 廣告 Ad -----
徵狀似遇溺
台灣傳媒統計全球確診病患，發現約15%病人屬嚴重程度。呢啲病人會出現嚴重病徵，包括:
- 發燒
- 乏力
- 肌肉痛
- 咳嗽
- 呼吸困難
- 有濃痰
- 頭痛
- 喉嚨痛
- 神志不清
依照台灣著名法醫高大成解釋，對患者而言最痛苦一定係「呼吸困難」。因為呢種病毒會於肺部釋出大量濃痰，令病患呼吸時好似落水遇溺一樣，必須倚賴呼吸機幫助呼吸。高大成話:
「我哋喺大陸短片見到有人行行下跌低，係因為佢哋病發後呼吸困難。如果未能及時治療，身體就吸收唔到足夠氧氣，就會突然暈低。」
而最近英國有確診病人，喺 ICU 進行治療時拍片，直言患病後痛苦非常，直指「肺部好似有玻璃一樣」:
難以完全康復
中招之後，香港醫院話會最快可以五日出院，但咪以為出咗院就可以生活如常。香港醫院管理局嘅小型研究發現，首批康復12人中，有2到3人的肺活量下降了20％至30％。
肺活量下降，係因為病發時病毒破壞肺部組織，令其「纖維化」，肺部組織壞死，難以復元。年紀輕嘅患者復元機會較大，但40、50歲嘅患者，要回復到患病前嘅狀態，機會不大。
----- 廣告 Ad -----
患者不及時求醫，令呼吸困難而暈低。
有醫生指出，纖維化嘅肺部絕對會影響康復者日常生活，嚴重嘅話莫講話做運動，連行步路都會氣喘。所以，疫情高危嘅時候，大家真係要聽聽醫護人員嘅呼籲，免除不必要嘅社交活動，無乜事唔好出街，留喺屋企呀!
