東區區議員 謝妙儀 Tse Miu Yee 於其 Facebook 專頁透露,柴灣道近海星堂一個有多年歷史嘅土地公,最近被地政總署指明「不合法佔用政府土地」,建議有關部門拆除。截至10月27日晚,謝妙儀仍在了解事件,土地公仲未知會否逼遷。

 

睇到地政好落力清除一個唔太阻人嘅神壇,不禁令人諗起佢哋最近嘅「功績」。

沙螺灣村的三隻鐵閘

圖: 長春社
圖: 長春社
圖: 長春社
今年10月初位於東澳古道嘅沙螺灣村,有人聲稱因遊客過度滋擾,於山徑強行以鐵閘封鎖必經通道,令行山人士不得其門而入。政府部門雖然將鐵閘拆除,但過幾日《蘋果日報》發現村民「拆一起三」。

此外,長春社亦發現,沙螺灣村至深石村一段東澳古道有不少植被遭移除,令該段原本約1.2米闊的路段被擴闊一倍多,足夠車輛進出,涉及範圍至少有1公里。同時亦有人發現,有車輛由呢啲道路駛入沙螺灣村。

但係,地政總署等多個政府部門,對村民私自破壞郊野山徑視若無睹。而東澳古道面臨被「切斷」威脅。

(10月26日: 有到過沙螺灣村嘅網民指,村內嘅鐵閘雖然裝好,不過仲未上鎖,遊客可以自由進出。不過佢引述村內士多店主所講,村民話會隨時封村。大家計劃行東澳古道,就要先了解封村情況。)

相思灣村官地被剷

長春社發現,位於清水灣附近嘅相思灣村,有人破壞及佔用政府土地,當中涉及「綠化地帶」甚至「自然保育區」,但係未見地政總署有發出警告,完全當佢睇唔到。

槍會子彈亂飛郊野

綠惜地球 The Green Earth 早前揭發香港槍會射擊活動污染郊外環境,大量鉛粒、飛靶、彈塞遍佈山頭,甚至染污通往城門水塘的引水道,山頭泥土驗出嘅重金屬鉛,最高超出環保署標準274倍。有關團體施壓一年有多,終於令政府部門有所動作。地政總署等部門話》會同槍會商討清理問題,以及徹查有無人違反土地使用權利。

以上幾單新聞,全部都關地政總署事。香港郊野係香港人寶貴資產,如果政府部門都唔盡力保衛佢哋,我哋市民點樣訓身保育,最後都會徒勞無功。


文章為作者意見,不代表Fitz立場。

歡迎投稿: http://fitz.hk/contribute/