Fitz > 生活 Life > 港女大帽山走失貓惹網民鬧爆,市民自發上山終尋回
貓仔叫 Milkshake

有香港女生 (簡稱港女) 於 Facebook 廣發尋貓帖,話喺大帽山唔見咗隻貓,呼籲網民幫手搵返主子。帖文幾個鐘內吸嬲1,600,仲有1,200個喊,引來2,000多個留言。

不少熱心市民均有出發大帽山尋貓,更有人開設「大帽山搵milkshake」群組,呼籲義工幫忙上山。最終在今日凌晨2:23尋回 Milkshake:

1900: 群組開始有人話要上山搵 Milkshake,徵求夜行裝備,貓籠等
2000: 有人聯絡到大帽山蓮姐,蓮姐拉埋狗狗一齊搵貓
2400: 見到貓蹤,主人到場
0223: 成功將 Milkshake 捉入貓籠

雖然最後尋獲 Milkshake,主人亦保證會善待貓貓,並會捐款畀愛護動物組織,但仍難掩今次主人問題。以下係綜合網民嘅反應:

  1. 星期日 (12/6) 朝早天氣不穩,多個地區落豪雨,根本唔應該行山,更何況帶埋隻貓
  2. 貓係好敏感嘅動物,亦唔似狗狗會黐實主人。貓遇到唔熟悉嘅環境 (例如郊外),或大風大雨行雷,好多時會逃離現場,唔理主人喺唔喺身邊
  3. 無做好預防措施,例如無縛好牽引帶
  4. Milkshake 屬於室內飼養嘅家貓,唔需要帶佢出街,更唔應該帶佢上山
  5. 大帽山呢類郊野地方,未必適合貓貓去。郊外有野生動物,有機會對貓貓構成精神以至生命威脅

仲有好多人唔滿意呢名主人走失貓之後,唔係第一時間搵人求助,竟然係返屋企換衫。

我哋都明白,主人想同主子共渡快樂時光,有時帶寵物出街亦無可厚非,不過之前真係要做好準備。今次大團員結局,真係要多謝一班熱心嘅香港人。

資料: 天下貓貓一樣貓群組


文章為作者意見,不代表Fitz立場。
歡迎投稿: http://fitz.hk/contribute/
⮑ YAS BYKE 踩車保 保障全港所有單車可行走的公路,任何想踩車的地點都可受到保障,覆蓋更加全面! 作為 YAS 的合作夥伴,Fitz 讀者可享有限時1次 BYKE Pro 完整體驗! 把握機會為自己加添一份更全面的保障! 了解更多 BYKE Pro 詳情,請瀏覽此