----- 廣告 Ad -----
「人體穴位有咁多，點先記得晒?」
的確，係有難度嘅。
首先，要令自己頭腦清醒Ｄ，咁先記到入腦架嘛~
同大家介紹兩個穴位，簡單易記唔難搵，得閒就自己按下幫手醒腦開竅先!
人中
又名水溝、鬼宮、鬼市、鬼客廳。
咩話?! 同鬼有關?
唔使驚驚住，其實人中係十三鬼穴之一，係古代治療精神病患的十三個經驗穴，係好鬼有療效咁啫。
----- 廣告 Ad -----
點解個名叫人中?
呢個穴喺口鼻之間，猶如天之下，地之上，人在其中，故名人中。
然而，鼻通於天氣，呼吸自然界有營養之氣；口通於地氣，飲食入口吸收營養，排出二便，歸還大地。中國文化有天、地、人三才之說，就係呢個意思囉!
好，咁就明晒!
點解又叫水溝?
大家都知道，中醫成日講養生之道，有一種養生之說就是閉口藏舌，舌頂上顎，運送口中津液下行，滋潤喉嚨，通滲臟腑，人中咁啱就在口水吞嚥向上翩轉之路的位置，故名水溝。
估唔到，吞口水都有養生作用，大家不妨試試!
----- 廣告 Ad -----
合谷
又名虎口、合骨。
點解個名叫合谷?
呢個穴在拇指同食指掌骨之間的凹陷處，好似山谷咁樣，故名合谷。筆者另一種理解就再簡單一點，就係拇食指一拍埋就「一合即谷」，明晒!
點解又叫虎口?
呢個仲簡單，穴位在手部虎口兩骨之間，故名虎口。不解釋，一睇就明。
合谷呢個穴位有幾好用?
呢個穴位真係掂，可以調節整個人體氣化功能，有助增強人體抵抗力，簡單呢講，合谷係一個強壯要穴!
以下列表以供參考：
| 人中 | 合谷 | |
| 位置 | 在面部，在人中溝的上1/3與中1/3交點處 | 在手背，第1、2掌骨間，在第2掌骨橈側中點處 |
| 所屬經絡 | 督脈 | 大腸經 |
| 功效 | 袪風清熱，調和陰陽，醒腦開竅，回陽救逆，鎮靜安神，活絡止痛 | 通經活絡，行氣開竅，疏風解表，清熱退熱，清泄肺氣，通降腸胃，鎮靜安神 |
| 主治 | 暈厥諸症 | |
*米奇醫師為執業女中醫師
原文載於 澤聲中醫
更多：
Fitz Facebook專頁
[米奇中醫堂] 醫食同源：杏仁
[米奇中醫堂] 醫食同源：雪耳
[米奇中醫堂] 口瘡痱滋赤痛 引致茶飯不思?
米奇醫師@Fitz.hk
Fitz Life 生活
米奇醫師
一開始踏足社會，就是在香港大學聲線研究所學習何謂「研究精神」。若干年後，膽粗粗帶著此精神在澄明堂私人執業，每天憑著這團火繼續燃燒僅餘青春，慶幸成為熱愛工作的幸運兒。