Fitz > 生活 Life > 美國大學研究: 舉中指有助忍痛

「舉中指」普遍被視為無禮、粗魯嘅不雅手勢,最近美國密芝根州 Kalamazoo University,就對呢啲手勢及粗口進行研究,審視佢哋對人類嘅精神同身體有咩益處。

結果大學團隊研究發現,部份不雅手勢會令身體有止痛作用。佢哋向一批自願人士進行研究,先將佢哋一隻手放入冰水,再要求佢哋做出各種手勢及講粗口。測試後發現「舉中指」平均能忍受嘅痛楚達到125秒,為眾多手勢排名最高,比其他正常手勢嘅平均時間多出大約12秒。

研究人員解釋,大家講粗口或者畀不雅手勢時,往往會有好多聯想,可轉移對疼痛嘅注意力,因而減輕疼痛感。可惜嘅係,研究人員應該無人講廣東話,相信廣東人嘅「國罵」應該可以更加有好表現。

東莞袁崇煥像,下面係佢嘅廣東話金句

資料: The Sun


文章為作者意見,不代表Fitz立場。
歡迎投稿: http://fitz.hk/contribute/