美國密芝根州近日舉辦全國櫻桃節 (National Cherry Festival),節慶發生機動遊戲意外,好彩唔少遊客捨身相救,化險為夷,不致樂極生悲。

事發於節慶會場擺放嘅機動遊戲「魔毯」(Magic Carpet)。當時「魔毯」坐滿玩家開始運行,不過基座突然鬆脫。遊戲機一路運轉,但基座就不斷晃動,成部機睇怕會飛起再反轉。坐喺機動遊戲嘅玩家非常危險,有人嚇到大叫。有唔少現場遊客不顧自身安危,即刻衝過去遊戲機,用自己身體重量固定遊戲機。集眾人之力,令「魔毯」平衡下來。

最後遊戲機停低,喺上面嘅玩家安全疏散,好彩最終無任何傷亡。而遊戲機發生意外,立即被拆除送走。

唔少人話,地面嘅遊客唔止反應快,亦完全不顧自己安危去拯救陌生人,絕對體現人性善良嘅一面。

同款機動遊戲

資料: ABC

首頁 > 生活 Life > 美國機動遊戲險凌空飛起,遊客捨身相救