舊衣「回收」-回到堆填區f過咗「立秋」,加埋暑假尾聲,唔少家庭都趁呢個時間收拾舊衣。對好多人嚟講,拎舊衣去回收,就係最環保嘅做法。不過,現時舊衣回收並無監管,礙於現實限制,唔少被人送去嘅舊衣,最終只係送到堆填區。

香港舊衣回收嘅情況,大致係咁:

  1. 私人回收商 (例如幫議員辦事處搞舊衣回收日嗰啲),大多數將舊衣賣去其他國家 (如部份東南亞國家)。所以佢哋會揀選有價值,同極為新淨嘅衣物。衫褲太舊或殘破,通常佢哋會丟棄。
  2. 環保團體:會嚴格監察回收商嘅成效,不准許回收商作無謂丟棄。
  3. 現實係,接受 (無論捐贈或販賣) 舊衣嘅貧苦國家 (如東南亞或非洲國家),大多處於熱帶氣候。所以香港人捐出嘅禦寒衣物,難以轉送到呢啲地區,最後離逃堆填命運。
  4. 舊衣轉售:有團體成立舊衣店,將市民捐出嘅二手衫轉售,並鼓勵市民購置二手衫。
舊衣「回收」 回到堆填區 2
私人回收公司嘅回收箱,佢哋可以唔使交待啲衫去咗邊。

TVB新聞透視 時尚足迹 (2016-04-13):

舊年,美國有套紀綠片叫《The True Cost》,講述世界級大型時袋品牌 (fast fashion),點樣製造一啲「價廉物美」嘅衣服,令大家唔使點考慮就買新衫。不過呢啲大品牌,佢哋破壞環境、成立血汗工廠、壓搾發達國家嘅人民等等,可說係地球上嘅惡魔。大家買平衫嘅同時,其實亦係幫兇!

《The True Cost》預告片:

一件衫得來絕對不易,要真正回收更難。大家添購新衣都係諗清楚!

文章取材自:都市傳說 – 買衫輪迴線 (學做地球人@Trailwatch)

更多:
Fitz.hk Facebook專頁
[一幅圖睇晒] 郊野垃圾分解時間
垃圾佬日記
清不盡的郊野垃圾