一個貓奴，最希望做到嘅，就係無時無刻可以同自己主子朝夕相對。土耳其呢位貓奴，帶住喵星人走四圍旅行，成為當地知名人物。
Teymur 兩年幾前開始收容當時兩個月大嘅浪浪 Azman，自此之後主子貓奴日對夜對。Teymur 四圍旅行期間，會帶埋 Azman，坐喺膊頭踩單車。佢甚至為貓仔度身訂造貓衫。Teymur 同佢主子咁搶鏡，一下子成為土耳其嘅知名貓奴。
到 Teymur 結婚簽婚書，Azman 更要陪伴左右，連負責嘅官員都睇唔過眼。而最勁嘅就係，Teymur 同佢老公渡蜜月，都要帶埋貓貓，一啲都唔怕隻貓做電燈膽!
土耳其係思想較為保守嘅回教國家，不過 Teymur 為咗佢隻貓貓，唔介意身邊人嘅閒言閒語，而佢勇敢嘅態度亦打動唔少人，成為好多土耳其人嘅偶像。
資料: Daily Sabah
講求綠色、環保、天然的健康生活。推廣新一代健康生活文化。
