[戶外補給恩物] 將白飯「飲」落肚

由

2018-10-13

Fitz > 生活 Life > [戶外補給恩物] 將白飯「飲」落肚

有「飯癮」嘅山友、露營友其實特別痛苦，佢哋唔理咩時間咩地方，每一餐都一定要有飯落肚。不過，荒山野嶺要搵啖飯食相當困難。做山賽支援嘅朋友亦深受其害，因為有時要拎盒上山都會相當忙亂。

最近，日本農業合作社推出咗一款「可飲用白飯」(飲めるごはん)。呢款「白飯」由日光米、紅豆、薏米製成，白飯放入罐裏面，唔使冷藏都可以保存達5年。食用方法，唔使烹煮唔使加熱唔使加水，好似汽水咁拉開個罐就飲得! 佢仲有三款味道: 昆布梅、可可同肉桂。

日本記者試過，話夜晚5點飲一罐，成晚只係飲酒唔食嘢都夠飽喎。

原來，呢款產品係為咗應付天然災害而設。遇上風災、地震等災難，救援人員可以大批將呢啲白飯送到災區，拯救災民。亦因應災區有可能無水無電，所以白飯唔使煮都食得。而且，呢款白飯仲避免使用27種致敏食品，所以基本上人人都食得。

「可飲用白飯」每罐260日圓，供網上訂購。