[疫下生活] 盤點5大家居隔離娛樂活動

新冠肺炎疫情全球反反覆覆，唔少國家嘅家居隔離政策都要「彈出彈入」。呢個情況之下，留家工作、留家娛樂，似乎已成為常態。咁世界各國嘅人被逼留喺屋企，會玩啲咩?

填字遊戲 Crosswords

有報道話，英國於疫情期間，報紙嘅填字遊戲成為極受歡迎嘅娛樂。原因係一家人困喺屋企，又唔想長期對住電子屏幕，填字遊戲成為大家都可以參與嘅活動。

拼圖 Puzzle

唔少人屋企都有幾副未砌好嘅拼圖，拼圖無論小朋友定係大人，都可以齊齊參與。

桌上遊戲 Table games

簡單如潛烏龜、冚棉胎嘅啤牌遊戲，以至大富翁、Scrabble 嘅家庭遊戲，都可以增進家人嘅感情。當然，唔少中國人都鍾意打番兩圈，或者喺屋企玩下網上博彩，亦不失為一個選擇。

家庭烹飪 Cook

唔使多解釋，疫情之下大家都減少外出用饍，屋企玩煮飯仔成為例行公事。既然都要煮，不如試下一家人齊齊動手，焗下蛋糕，整下沙律，煎下牛扒，娛樂自己同時亦滿足下腸胃。

虛擬博物館 Virtual Museum

世界好多知名博物館，都喺疫情期間免費提供虛擬參觀。暫時大家仲未唔可以飛去羅馬、巴黎，不妨參觀下佢哋嘅博物館，感受下藝術氣息。

呢次疫情，令唔少人重新思考同家庭嘅關係。藉住上面呢啲活動，亦可以深入了解你同你嘅家人。