Fitz > 生活 Life > [米奇中醫堂] 穴來穴對: 人體穴位有咁多,點先記得晒? (醒腦開竅 人中與合谷)

「人體穴位有咁多,點先記得晒?」
的確,係有難度嘅。
首先,要令自己頭腦清醒D,咁先記到入腦架嘛~

同大家介紹兩個穴位,簡單易記唔難搵,得閒就自己按下幫手醒腦開竅先!

人中

又名水溝、鬼宮、鬼市、鬼客廳。
咩話?! 同鬼有關?
唔使驚驚住,其實人中係十三鬼穴之一,係古代治療精神病患的十三個經驗穴,係好鬼有療效咁啫。

點解個名叫人中?

呢個穴喺口鼻之間,猶如天之下,地之上,人在其中,故名人中。

然而,鼻通於天氣,呼吸自然界有營養之氣;口通於地氣,飲食入口吸收營養,排出二便,歸還大地。中國文化有天、地、人三才之說,就係呢個意思囉!

好,咁就明晒!

點解又叫水溝?

大家都知道,中醫成日講養生之道,有一種養生之說就是閉口藏舌,舌頂上顎,運送口中津液下行,滋潤喉嚨,通滲臟腑,人中咁啱就在口水吞嚥向上翩轉之路的位置,故名水溝。

估唔到,吞口水都有養生作用,大家不妨試試!

合谷

又名虎口、合骨。

點解個名叫合谷?

呢個穴在拇指同食指掌骨之間的凹陷處,好似山谷咁樣,故名合谷。筆者另一種理解就再簡單一點,就係拇食指一拍埋就「一合即谷」,明晒!

點解又叫虎口?

呢個仲簡單,穴位在手部虎口兩骨之間,故名虎口。不解釋,一睇就明。

合谷呢個穴位有幾好用?

呢個穴位真係掂,可以調節整個人體氣化功能,有助增強人體抵抗力,簡單呢講,合谷係一個強壯要穴!

以下列表以供參考:

人中 合谷
位置 在面部,在人中溝的上1/3與中1/3交點處 在手背,第1、2掌骨間,在第2掌骨橈側中點處
所屬經絡 督脈 大腸經
功效 袪風清熱,調和陰陽,醒腦開竅,回陽救逆,鎮靜安神,活絡止痛 通經活絡,行氣開竅,疏風解表,清熱退熱,清泄肺氣,通降腸胃,鎮靜安神
主治 暈厥諸症


*米奇醫師為執業女中醫師

原文載於 澤聲中醫

更多:
Fitz Facebook專頁
[米奇中醫堂] 醫食同源:杏仁
[米奇中醫堂] 醫食同源:雪耳
[米奇中醫堂] 口瘡痱滋赤痛 引致茶飯不思?
米奇醫師@Fitz.hk
Fitz Life 生活


文章為作者意見,不代表Fitz立場。