5月23日，珠穆朗瑪峰，有兩位美國人打破紀錄。
年齡最大成功登頂嘅美國人
Arthur Bennett Muir，5月23日以75歲之齡登上呢座8848米山峰，成為年紀最大登頂嘅美國人。
完成「七大」嘅NFL球員
同一日另一位美國人，今年60歲嘅 Mark Pattison 亦成功登頂，珠峰係 Mark 登上嘅最後一座「世界七大高峰」。雖然唔係第一個美國人完成呢項創舉，但 Mark 係 NFL (美式足球聯賽) 嘅退役球員，所以佢創下「第一位NFL球員完成攀登世界七大高峰紀錄」。
幾千公里外的 Phil Mickelson
同樣係5月23日，Phil Mickelson 喺阿利桑拿州嘅高球場，贏出 PGA錦標賽 (PGA Championship)。Phil 今年50歲，係年紀最大嘅 PGA錦標賽得主。
Phil Mickelson 第一個大滿貫錦標喺2004年奪得，呢十幾廿年佢喺球壇浮浮沉沉，獎金排名只係維持喺19、20名左右。直到今年年初，佢公開話自己仲有能力贏番場大滿貫。喺人人睇淡淡之下，佢令大家大跌眼鏡，佢向大家宣告:「年齡只不過係數字」。
當香港娛樂圈嘅年輕人話要「浩浩蕩蕩迎來另一新世紀」，呢三位中老年運動員提醒大家，只要肯堅持亦可以成功。
講求綠色、環保、天然的健康生活。推廣新一代健康生活文化。
