放風箏呢件事，絕對係老幼咸宜。將風箏成功放上天，無論大人細路一樣咁開心。香港咁多高樓，唔係咁多地方適宜放風箏，以下呢個地點包你無投訴：
夠方便：大埔海濱公園
雖則話喺工業村側邊，不過由附近嘅富善邨、大埔中心行過去一啲都唔遠。由火車站行過去都唔使半個鐘，交通方便，且設備完善。
公園入面大幅草地，假日有人喺草地玩，注意遊人安全。.
夠經典：大坳門
清水灣上面嘅大坳門，係香港第一個政府認可放風箏嘅地點。事關風箏場處於高地上 ，風勢強勁。人多喺嚟，呢到成個天都係風箏，就算自己唔放，睇人玩都覺得開心。不過要記住，真正放風箏地方係大坑墩，大坳門係落車嘅地方。
夠熱鬧：大尾篤
船灣淡水湖水壩，前方完全無遮無掩，放風箏簡直一流！不過注意，呢到好多人踩單車跑步，所以放風箏最好行遠啲，行過水壩另一邊嘅空地，咁就無咁阻人。
夠隱秘：龍蝦灣
繼大坳門之外，係另一個政府許可以風箏場。因為位置較難搵，所以去親呢到係啲放風箏高手。
夠清靜：塔門
大草地，無敵海景，除咗係露營勝地，亦係放風箏勝地！
- 行雷切勿放風箏
- 機場5000米內放風箏係犯法 (機場包括：赤臘角、石崗、上環信德直升機場、中環直升機場)。
- 根據法例，市民亦不可以把風箏飄放至離地面高度超過60米，以及在船隻、汽車或構築物60米範圍內放風箏。
資料來源：kitehk.com
更多：
Fitz.hk Facebook專頁
[區區有山行] 18區行山徑一覽
[既方便又快捷] 11條藏於民居的行山徑
[透心涼] 8條炎夏適宜林蔭小徑
[2小時限定] 短途行山徑 唔怕天氣變化
Fitz Hiking 行山
講求綠色、環保、天然的健康生活。推廣新一代健康生活文化。
