過咗「立秋」，加埋暑假尾聲，唔少家庭都趁呢個時間收拾舊衣。對好多人嚟講，拎舊衣去回收，就係最環保嘅做法。不過，現時舊衣回收並無監管，礙於現實限制，唔少被人送去嘅舊衣，最終只係送到堆填區。
香港舊衣回收嘅情況，大致係咁：
- 私人回收商 (例如幫議員辦事處搞舊衣回收日嗰啲)，大多數將舊衣賣去其他國家 (如部份東南亞國家)。所以佢哋會揀選有價值，同極為新淨嘅衣物。衫褲太舊或殘破，通常佢哋會丟棄。
- 環保團體：會嚴格監察回收商嘅成效，不准許回收商作無謂丟棄。
- 現實係，接受 (無論捐贈或販賣) 舊衣嘅貧苦國家 (如東南亞或非洲國家)，大多處於熱帶氣候。所以香港人捐出嘅禦寒衣物，難以轉送到呢啲地區，最後離逃堆填命運。
- 舊衣轉售：有團體成立舊衣店，將市民捐出嘅二手衫轉售，並鼓勵市民購置二手衫。
私人回收公司嘅回收箱，佢哋可以唔使交待啲衫去咗邊。
TVB新聞透視 時尚足迹 (2016-04-13)：
----- 廣告 Ad -----
舊年，美國有套紀綠片叫《The True Cost》，講述世界級大型時袋品牌 (fast fashion)，點樣製造一啲「價廉物美」嘅衣服，令大家唔使點考慮就買新衫。不過呢啲大品牌，佢哋破壞環境、成立血汗工廠、壓搾發達國家嘅人民等等，可說係地球上嘅惡魔。大家買平衫嘅同時，其實亦係幫兇！
《The True Cost》預告片：
一件衫得來絕對不易，要真正回收更難。大家添購新衣都係諗清楚！
文章取材自：都市傳說 – 買衫輪迴線 (學做地球人@Trailwatch)
永誠
講求綠色、環保、天然的健康生活。推廣新一代健康生活文化。