Fitz > 生活 Life > 跑鞋放入洗衣機清洗 利多於弊?

懶人生活智慧第一章,係善用屋企嘅電器,減少使用人手。對唔少懶人嚟講,洗鞋固然係一大苦事,但要將佢哋放入洗衣機洗,又好似有啲問題。想有個較科學性嘅答案,就先要拆解洗衣機運作方法,再從跑鞋構造去解箇中原理。

洗衣機的清潔原理

無論係洗日本揭蓋式、「大眼仔」,以至歐洲直立式滾桶設計,洗衣原理都係大同小異:

  1. 用化學方式 (如洗衣粉),將衣物嘅污漬或臭味分解
  2. 洗衣機滾桶轉動時,以水流嘅沖擊,將衣服上嘅灰塵與油漬,與衣服分離
  3. 洗衣機滾桶高速轉動 (市面上最高速大概為每分鐘1400轉),將衣服嘅水份抽乾
洗衣機轉數
洗衣機洗衣原理    圖: 物理雙月刊

跑鞋的結構

跑鞋結構複雜,有統計指至少有15個部件。各個部件嘅接合方式都未必相同,大多數以膠水、高壓,或縫線等方式接合。

機洗跑鞋有3大風險

根據以上原因,將跑鞋放入洗衣機,就要冒以下幾個風險:

  1. 跑鞋浸水洗,會整濕成對鞋,好易損害跑鞋結構,例如膠水會因浸水而失去黏貼力
  2. 跑鞋入機,清洗時會撞擊洗衣機滾桶,會「整傷」對鞋,亦容易「整傷」洗衣機
  3. 污糟嘅跑鞋,通常係黐滿沙泥 (特別係越野跑鞋),若直接放入洗衣機,沙泥容易瘀塞去水位
就算用洗衣機洗跑鞋,都要做啲手腳,例如將跑鞋放入洗衣袋,以及拆鞋帶鞋墊

所以,就算你懶到出汁,如果愛惜你對跑鞋,同埋愛惜你部洗衣機,萬分不得已都唔好放對鞋入洗衣機!

資料: 物理雙月刊Runner’s World UK


文章為作者意見,不代表Fitz立場。