想跑快啲，跑遠啲，有人無所不用其極。由衣著、跑鞋、裝備、以至飲食、生活習慣，幾乎每一件事都可以影響成績，但估唔到原來連顏色都關事。
英國西敏大學 (University of Westminster) 最近進行一項研究，發現跑步前用粉紅色液體漱口 (pink)，可令人提升運動表現。
研究方法
- 自願參加者: 10名有運動習慣嘅業餘跑者 (6名男性，4名女性)
- 測試工具: 粉紅色、含人工甜味劑、無熱量嘅液體
- 研究方法: 踏上跑步機前，呢10人要用以上面液體漱口，然後於跑步機上跑步
- 結果: 發現用粉紅色漱口之後，呢10人無論喺速度、距離，以至內心喜悅，都比用其他顏色液體有進步
粉紅色的神秘力量
負責研究項目嘅營養師解釋，顏色能給予人類心理上不同能量，所以不同國家嘅美食，往往都以顏色吸引食家。而呢次研究佢哋確認，粉紅色的確可令人心情變好，令人更積極投入運動。
如果有關論據獲廣泛接受，唔知會唔會人人都著粉紅衫去比賽?
資料: Eat This
講求綠色、環保、天然的健康生活。推廣新一代健康生活文化。
