家陣絕大多數運動衫都係用所謂嘅快乾布料製造，著住做運動固然舒服乾爽，不過汗水嘅蛋白質、油脂，久而久之會殘留喺布料纖維，如果洗得唔乾淨，著上身做運動就會散發陣陣臭味。
環保酵素就利用化學分解嘅方法，將蛋白質嘅成份消解（要詳細了解大家自己爬文，總之就係咩CH3COOH+乜乜乜啦）。至於做法，其實相當簡單：
材料：黑糖（切勿用白砂糖或黃糖）、果皮及蔬菜殘渣（不要有油脂）、暖清水
器皿：闊口密封膠樽 （酵素發酵會釋出氣體，切用使用玻璃樽，會爆的）
份量：上述三種材料的比例是1:3:10 （即1份糖，3份果皮、10份水）
做法：
- 黑糖加入暖水溶解後，再放入果皮及蔬菜。要在樽內留三份一左右空間。
- 將果皮及蔬菜壓下，令糖水掩蓋所有果皮。
- 最初一個月，至少要每日開蓋將氣體排走。若樽口太窄，甚至需要每幾個鐘開蓋一次。
- 必需發酵至少三個月，據說六個月最好，不會過期。
- 完成後，酵素液應該呈咖黃色，有橘子般的刺激氣味。如果呈現黑色，就係失敗。（如發現蒼蠅卵，可以不理，蟲卵會自行消解）
使用：以（酵素）1：10（洗衣粉）的比例，作洗衫用。
發酵2日
----- 廣告 Ad -----
發酵5日
發酵10日
製成品
注意：
- 酵素無論製成與否，都要放在陰涼地方，切勿被太陽照晒，亦唔好放入雪櫃。
- 網上教人以廚餘製造酵素，但洋蔥、大蒜等有強烈氣味，用嚟洗衫或會留有異味。我多用檸檬皮等果皮。雖過水後衣服不會有氣味，但心理上總覺有陣清香。況且若經常製作DIY Sports Drink，會留底大量檸檬皮，材料不假外求。
- 酵素要加水稀釋才可發揮化學作用，唔好將酵素直接倒喺衣物上。
- 快乾衣料切勿使用衣物柔順劑，而酵素屬天然材料，對衣物無礙。
特別鳴謝：人妻 Evon
----- 廣告 Ad -----
更多：
Fitz.hk Facebook專頁
永誠@Fitz.hk
Fitz生活文章
永誠
講求綠色、環保、天然的健康生活。推廣新一代健康生活文化。