Fitz > 生活 Life > 12歲童軍學以致用,樹枝加T恤助人狗脫離困境

住喺美國夏威夷嘅12歲 David King,早前同阿媽去咗當地 Waimano Trail 行山。佢哋途中遇到一對迷路失婦,呢對夫婦無晒水、無晒糧食, 手機亦無電,隨行嘅狗狗亦整傷隻腳。

David 母子見到佢哋咁狼狽,當然出手相助,帶佢哋一齊落山。問題係狗狗受傷,舉步為艱,完全影響大家嘅步速。呢個時候,David 諗到佢喺童軍學番嚟嘅技能解決問題: 用兩支樹枝、兩件T恤,製作成一張擔架,然後大家輪流將狗狗抬落山。

佢哋一行四個人一隻狗,最後順利落山。David 話,佢可以將多年來喺童軍學番嚟嘅知識學以致用,感到相當開心。更最高興係,佢做到童軍「日行一善」嘅目標,助己助人。

資料: Fox News