Fitz > 生活 Life > 保育 Conservation > 科學家證實全球雨水含致癌物PFAS,警告不要飲用

幫你遮風擋雨嘅防水風褸,佢之所以可以防水,全因為風褸外面嘅塗層將雨水搧走。諷刺嘅係,製造呢類防水塗層嘅化學物,是一種統稱為「含氟表面活性劑」(PFAS) 的化學物。因為 PFAS 的超強的持久性所以亦常被稱為「永遠的化學品」(Forever Chemicals)。最近有科學家證實,PFAS 已經大幅污染地球大氣層,全球各地雨水已經含有 PFAS,難以解決。

南極亦發現PFAS

研究由「瑞典斯德哥爾摩大學」與「蘇黎世聯邦理工學院」聯合進行,佢哋偵測過去十年地球大氣中嘅有害物質,發現 PFAS 含量絲毫無減,仲有越來越嚴重。這種有害物質不只在工業地區被偵測到,南極等人跡罕至嘅地方,收集到嘅雨水亦搵到有關物質。

南極亦發現PFAS

「含氟表面活性劑」(PFAS) 已證實與人類許多嚴重疾病有關,包括不孕、膽固醇增加及免疫系統及兒童 ADHD 問題等,而 PFAS 已被證實與幾種癌症有密切關係,所以當局認為,現今飲用雨水已非安全行為。

PFAS 可透過水道、河流、海洋、土壤與大氣到處擴散,目前在南極與西藏高原的雨水與雪,都可以發現其蹤跡。報告指出,PFAS 惡毒之處並非其毒性,而係呢類物質難以消散,所以一直出現於大氣中。

PFAS 常見於家居用品

PFAS 最常見於時下嘅紡織品及鞋履,用以防水及防雨。此外,最有名嘅 PFAS 產品就係易潔鑊上易潔塗層。近年 PFAS 問題已受到公眾注視。2019年荷里活電影《Dark Waters》(黑水風暴) 以真人真事揭露維珍尼亞州的污染醜聞, 化工廠排出嘅就係 PFAS。

IKEA宣佈所售家具不使用PFAS塗料

現時全球只有美國緬因州立法禁此使用PFAS產品 (2030年生效),而總部設於瑞典的宜家家居,亦已宣佈陸續禁售含有PFAS塗層嘅家居用品。

資料: BBC獨立報


文章為作者意見,不代表Fitz立場。
歡迎投稿: http://fitz.hk/contribute/