中國大陸差唔多每個大城市都有動物園，但呢幾年唔少動物園都缺乏打理，設施老舊，門庭冷落。今年十一假期，廣西南寧動物園反而多次登上國內熱搜，吸引好多遊客，原因係園內一大堆「騎呢」動物深受大家歡迎。
丟那猩
園內嘅黑猩猩一見有遊客圍觀，就會將地下嘅草皮搓成一個波，然後向觀眾亂丟，大然怒哮。「丟那猩」雖然發晒脾氣，不過觀眾就笑到唔停口。
屁屁熊
黑熊唔鍾意遊客，只會用屁股對住人。屁股不停喺草地磨下磨下，似乎係對遊客嘅抗議。
功夫熊貓
國寶級熊貓唔食竹葉，鍾意喺圍欄裏面玩健身，例如跳落水池游水，或者拉棵樹做運動。呢隻熊貓身手矯捷，同大家對熊貓嘅印象完全唔同。
專家: 動物有情緒問題
呢啲動物嘅反常行為，有動物專家對於指出估計係動物園嘅飼養不力，未有滿足動物對於食物或生活環境嘅需要。另外亦有可能係遊客過度騷擾動物，令動物對人類敵視。所以，南寧動物園嘅動物絕對唔係搞笑節目，而係一個殘酷對待動物嘅悲劇。
今時今日，將動物困住嘅動物園已經唔符合大家對待動物嘅要求。既然園方都唔花心機飼養動物，倒不如將動物園變身做公園，可能令人更加開心。
資料: 澎湃新聞
