早排大陸再爆疫情,多地需要隔離,深圳、上海等大城市亦不能倖免。呢兩日,大陸網上流傳一名上海女子嘅「隔離日誌」,仲上埋微博熱搜,原因係佢嘅經歷真係太奇特。

呢名女子日前到上海一間健身室做運動,點知突然宣佈小區圍封,健身室入面嘅會員,除非係樓上住宅住客,否則全部唔畀走。於是,女子就同幾十人,一齊被逼留喺健身室「就地隔離」。

女子從佢嘅「日誌」講到,呢5日4夜除咗遙距工作外,一得閒就使用健身室嘅器械做下運動,有時出草地曬下太陽,食嘅都係蔬菜等嘅有益食物。而一班被隔離人士,更會互相鼓勵做運動,甚至一齊打下羽毛球,生活十分健康。

女子話精神狀態都比隔離前更加健康,體重亦減咗1.5公斤 (約3.3磅)。

將隔離講到去渡假咁開心,大陸人有時真係幾豁達。

資料: 中國青年網


⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。
首頁 > 生活 Life > 健康 Health > 上海女子健身室就地隔離5日4夜,日日做運動減3磅