Mirror 嘅姜濤由學生時代嘅200磅肥仔，到19歲時減肥至140磅參加《全民造星》贏得冠軍，呢啲已經係上世紀嘅事。不過，小妹整理開 Mirror 嘅新聞舊聞，發現姜濤嘅減肥經歷，可能畀到各位有心減肥人士啟示，即管喺度分享下:
1. 禁食或有壞影響
姜濤話學生時代為咗追女仔，試過全日只係食生果加狂做運動。雖然成功減磅，但精神變差，身體仲差咗，而且食返正常餐之後，體重快速增加。證明極端嘅減肥方法唔單止無用，仲會影響健康。
2. 早餐應該豐富啲
為咗維持而家嘅體重，姜濤仍然要控制飲食。不過姜濤份人超級為食，所以佢會間中食餐豐富早餐，當係獎勵自己。佢認為，早餐食多咗，仲有一整日可以消耗，反而午餐同晚餐就要控制一下。
3. 做運動好重要
姜濤因為多次減肥失敗，並且搞壞身體，所以佢明白到做運動嘅重要性。早幾年，佢更加修讀健身教練課程，亦有雜誌影到佢有去維園做帶氧運動嘅習慣。
小妹唔係營養師、唔係健身專家，姜濤呢啲做法啱唔啱我唔敢評論。不過姜濤曾經講過: 「你成功減肥之後，好多人會讚人，好多人會鼓勵，就到動力令你繼續落去。」
小妹以前都下過苦功減肥，所以好明白呢個道理。事實上，減肥要有成績，就要將健康習慣融入生活之中。控制飲食如是，做運動如是。姜濤嘅成功經歷提醒大家，想有成績唔可以一曝十寒，要有規律同持之以恒先得!
我愛櫻木!
