來自日本嘅 LillianneMoo (りりあんぬ葵),原本重80公斤 (約176磅),長期被人叫肥妹仔。佢用過好多方法減肥,但都失敗告終。直到一年半前,有朋友叫佢一齊玩一種叫「生存遊戲」嘅 war game,點知一玩之後愛上,仲成功瘦身,最近上埋電視節目分享瘦身經驗。

「生存遊戲」(Airsoft) 類似香港軍事迷玩嘅 war game,以氣槍配以漆彈作為武器,結合團隊作戰。「生存遊戲」比一般 war game 有更嚴格裝備要求,所有每位參加者要孭上嘅裝備,包括迷彩服、戰術背心、彈匣、武器、護目鏡等,總共重達8公斤。Lillianne 就話,佢每次都要玩足6至8小時,在廢墟、叢林中快速移動,消耗體能相當大。就因為佢呢一年半以來投入「生存遊戲」運動,佢體重慢慢消減,身形亦變得紥實,動作亦變得更敏捷。

Lillianne 話佢得到而家身形,絕對多得呢個遊戲,佢亦努力將呢種運動推廣開去,希望有更多人可受惠。

資料: めざまし8りりあんぬ葵


文章為作者意見,不代表Fitz立場。
歡迎投稿: http://fitz.hk/contribute/

首頁 > 生活 Life > 健康 Health > 日本80公斤肥妹變女神,全靠玩「生存遊戲」