Fitz > 生活 Life > 健康 Health > 武漢兩大媽公園偷嚐野果 齊齊中毒入院

武漢有兩名大媽行公園,手多仲口多多,卒之搞到齊齊入醫院。

是咁的,呢兩名大媽姊妹情深,相約到公園短聚,佢哋入到公園見到有棵鐵樹,開花之餘仲有好多果實。正所謂「鐵樹開花,六十年一見」,佢哋諗:「呢啲果實咪好矜貴?」 於是有理無理,唔理圍觀途人勸阻,將樹上嘅果實摘落嚟食。其中一名大媽仲邊食邊話:「幾清香喎。」

兩個鐘之後,兩名大媽出現胸悶、噁心、嘔吐等症狀,於是立即去醫院求診。

經醫生診斷,佢哋因為食用鐵樹果實導致中毒。好彩佢哋唔係食咗好多,未對身體造成嚴重損害。當地醫院中醫師話,鐵樹果係中藥藥材,有消炎止血、鎮咳祛痰功效,不過種子有毒,輕則頭暈、嘔吐,重則可致神經麻痺、肌肉萎縮、肝腎功能衰竭,甚至窒息致死。

資料: 新浪網


⮑ YAS BYKE 踩車保 保障全港所有單車可行走的公路,任何想踩車的地點都可受到保障,覆蓋更加全面! 作為 YAS 的合作夥伴,Fitz 讀者可享有限時1次 BYKE Pro 完整體驗! 把握機會為自己加添一份更全面的保障! 了解更多 BYKE Pro 詳情,請瀏覽此