美國醫學報告: 坐過山車有助排出腎結石

話說，美國有男子到迪士尼樂園坐過山車 (Big Thunder Mountain Railroad)，坐完之後一個禮拜去做身體檢查，醫生發現原本喺腎入面嘅結石，竟然不翼而飛。醫生懷疑事件與坐過山車有關，於是就將呢宗個案發表開去。

美國密西根州立大學研究人員，睇到呢個case都覺得好奇怪，就決定搞大佢。佢哋利用3D打印技術，製造矽膠腎臟模型，入面放入模擬尿液同腎結，將呢個模型帶去迪士尼坐過山車，前後坐咗20次，結果發現對排出腎結石有正面幫助。

有關研究發現

• 車頭位置排出機率為16.67%
• 車尾位置排出機率為63.89%
• 腎結石較細 (大約有沙粒大小)、或已經有將結石經手術碎石成小塊狀的患者，成功機會較高

研究人員強調，每個人嘅腎臟構造、形狀、結石大小、位置都唔一樣，飲幾多水、去幾多次廁所等生活習慣亦有所不同，要醫治腎結石，一定要搵醫生。

有關研究已於學術期刊《The Journal of the American Osteopathic Association》發表，研究已得到學術界肯定。

資料: Medical News