彩榮路體育館於12月29日正式開放,呢個係觀塘區第9個室內體育館,位於牛頭角彩霞邨同淘大花園附近新建成屋邨彩福邨。有街坊趁佢未開放前視察體育館,發現設備齊全,規劃亦經過精心設計,相信可滿足當區居民需要。

設施齊全

官方公佈體育館設施有6大項:

  • 多用途主場 (可用作兩個籃球場或兩個排球場或八個羽毛球場)
  • 乒乓球室
  • 健身室 (預計於2022年3月開放)
  • 室內緩跑徑
  • 兒童遊戲室
  • 活動室兩個

與住宅融為一體

體育館最大特點,係將體育館融入彩福邨規劃,成為屋邨內其中一項公共設施:

– 體育館與街市及住宅合而為一

– 屋邨住客可經邨內有蓋通道直通體育館,落雨時,可以唔使擔遮進入體育館室內跑步。

– 屋邨離隔九龍灣港鐵站10分鐘,區外人進入體育館,有電梯直達 (彩福邨建於山上)

不過,有區內人認為,這種「與住宅融為一體」設計,會對住戶造成滋擾,而體育館建於住宅之中,亦有可能對於去體育館做運動嘅人有所不便。事實上,早年亦有唔少室內體育館,建於內有街市、熟食中心嘅政府大樓之內 (如楊屋道、保安道、石塘咀),不過比起獨立建築嘅體育館略為不便,令人懷疑政府設計走回頭路。

荃灣體育館為獨立建築,與公園等休憩設施融為一體,甚為方便市民。

圖片

 


文章為作者意見,不代表Fitz立場。
歡迎投稿: http://fitz.hk/contribute/

首頁 > 生活 Life > 本地遊 Local > 彩榮路體育館12.29開幕.實地視察: 落雨跑步唔使擔遮