Fitz > 生活 Life > 本地遊 Local > 珍寶海鮮舫6月移離香港,告別半世紀歷史

香港地標再少一個。屹立香港半世紀嘅「珍寶海鮮舫」,面對疫情等問題,於2020年3月停業,同年年底,擁有海鮮舫嘅「香港仔飲食」,決定將海鮮坊送畀海洋公園。不過,海洋公園最後推卻呢份禮物。

海洋公園表示,因為未能找到適合嘅第三方機構營運,所以未能接受捐贈。而有關飲食集團表示,佢哋呢年來四出搵人接受捐贈,以延續海鮮舫生命,不過海鮮舫嘅日常維修保養費甚為高昂,每年耗資百萬,所以難以搵到接頭人。隨住珍寶海鮮舫嘅海事牌照6月到期,集團決定將海鮮舫移離香港,亦即係話大家去到香港仔海傍,再唔可以見到珍寶海鮮舫。

開業時嘅接駁小艇

現時嘅珍寶海鮮舫於1975年耗資3000萬興建,由何鴻燊和鄭裕彤共同擁有,於1976年開業。海鮮舫見證香港最輝煌時代,去幫襯嘅多為跨國企業傾生意,或者來港旅遊嘅高檔遊客。而海鮮舫沒落,亦反映香港喺國際嘅位置經已轉變。


文章為作者意見,不代表Fitz立場。
歡迎投稿: http://fitz.hk/contribute/
⮑ YAS HYKE 行山保 保障範圍涵蓋全港所有山野及行山徑,5程僅需$75 (Fitz 讀者優惠$50/5程),便享有意外醫療、財物以及身故賠償等保障,合共保額超過HK$300,000。