富士山 Subaru Line 圖: 網上圖片

自疫症爆發後,山梨縣與靜岡縣全面封閉富士山。個幾月之後,山梨縣決定開放富士「速巴路線」Subaru Line 至「5合目」一段道路。

4月29日開,當局因應中央政府防疫措施,以「緊急維修」名義,封閉5條通往富士山道路。至6月15日,山梨縣防疫措施解除,呢條通往富士山嘅道路亦同時開放,旅客可自駕沿呢條路上到富士山五合目。

不過,大家要留意嘅係:

  1. 呢次只係開放行車道路,車輛去到五合目後,旅客係唔可以上山,而上山嘅道路亦設有關閘
  2. 東京地區現時尚未解除防疫禁令,所以由東京前往車輛,仍然唔可以進入山梨縣
  3. 早前有關當局已宣佈,富士山所有登山路線,今年內維持封閉
五合目風景 圖: 網上圖片

道路開通後第一朝,已經有旅客駕車上山,佢哋表示雖然未可以上到山頂,但去到五合目睇下風景,已經覺得好滿足。

資料: 山梨日日新聞社

張伯倫
自細肥仔一名,後來因發現患有脂肪肝,決心多做運動注重健康,曾參加並完成毅行者,關注所有健康資訊。